ඔබේ වෛද්‍යවරයාගෙන් හෝ වෙනත් සෞඛ්‍ය සේවා සපයන්නෙකුගෙන් විමසීමට ප්‍රශ්න 5 ක්
සමහර පරීක්ෂණ, ප්‍රතිකාර හා ක්‍රියා පටිපාටිවලින් සුළු ප්‍රතිලාභයක් ලැබේ. සමහර අවස්ථාවලදී, ඒවා ඔබට හානි කිරීමට පවා ඉඩ ඇත. ඔබට නිසි සැලකිල්ලක් ලැබෙන බවට වග බලා ගැනීමට ප්‍රශ්න 5 භාවිතා කරන්න
- මට ඇත්තටම මෙම පරීක්ෂණය, ප්‍රතිකාර හෝ ක්‍රියා පටිපාටිය අවශ්‍යද?
පරීක්ෂණ, ඔබට සහ ඔබේ වෛද්‍යවරයාට හෝ වෙනත් සෞඛ්‍ය සේවා සපයන්නෙකුට ගැටලුව තීරණය කිරීමට උපකාරී වේ. - අවදානම් මොනවාද?
පරීක්ෂණයෙන් හෝ ප්‍රතිකාරයෙන් අතුරු ආබාධ ඇති වේද? නිවැරදි නොවන ප්‍රතිඵල ලබා ගැනීමේ අවස්ථා මොනවාද? එය තවත් පරීක්ෂණ, අතිරේක ප්‍රතිකාර හෝ වෙනත් ක්‍රියා පටිපාටියකට මඟ පෑදිය හැකිද? - සරල, ආරක්ෂිත විකල්ප තිබේද?
ප්‍රතිකාර කළ හැකි විකල්ප ක්‍රම තිබේද? සෞඛ්‍ය සම්පන්න ආහාර අනුභව කිරීම හෝ වැඩිපුර ව්‍යායාම කිරීම වැනි ජීවන රටාවේ වෙනස්කම් ආරක්ෂිත හා ඵලදායී විකල්ප විය හැකිය. - මම කිසිවක් නොකරන්නේ නම් කුමක් සිදුවේද?
ඔබ වහාම පරීක්ෂණය, ප්‍රතිකාර හෝ ක්‍රියා පටිපාටිය නොකරන්නේ නම් ඔබේ තත්වය නරක අතට හැරේ දැයි විමසන්න. - වියදම් මොනවාද?
වියදම මූල්‍යමය, මානසික හෝ ඔබේ කාලයෙහි වියදමක් විය හැකිය. ප්‍රජාවට වියදමක් ඇති තැන, වියදම සාධාරණද? නැතහොත් ලාභදායී විකල්පයක් තිබේද?